काठमाडौं । मौसम पूर्वानुमान महाशाखाका अनुसार, हाल नेपालमा उल्लेखनीय मौसमी प्रणाली छैन ।
अहिले (बुधबार बिहान) देशभर मौसम सामान्यतया सफा रहेको छ।
आज दिउँसो देशको पश्चिमी पहाडी भूभागमा आंशिक बदली रही बाँकी भूभागमा मौसम सामान्यतया सफा रहनेछ ।
देशको पश्चिमी पहाडी भूभागका एक–दुई स्थानमा मेघ गर्जन सहित हल्का वर्षाको सम्भावना छ ।
त्यस्तै आज राति देशभर मौसम सामान्यतया सफा रहने महाशाखाले जनाएको छ।
बिहिबार देशको पहाडी भूभागमा आंशिक बदली रही बाँकी भूभागमा मौसम सामान्यतया सफा रहनेछ ।
देशको पश्चिमी पहाडी भुभागका केही स्थानमा मेघ गर्जन सहित हल्का वर्षाको सम्भावना छ ।
शुक्रबार पनि देशको पश्चिमी भूभागमा आंशिक बदली रही बाँकी भूभागमा मौसम सफा रहनेछ ।
देशको पश्चिमी पहाडी भुभागका एक–दुई स्थानमा मेघ गर्जन सहित हल्का वर्षाको सम्भावना छ ।
