भक्तपुर । पूर्वसञ्चारमन्त्री गोकुल बास्कोटाको घरमा बम विस्फोट भएको छ।
भक्तपुर लोकन्थलीस्थित बास्कोटाको निर्माणधीन घरमा बुधबार बिहान प्रेसर कुकर बम विष्फोट भएको प्रहरीले जनाएको छ।
बम विस्फोटबाट छिमेकीहरुको घरमा समेत क्षति पुगेको छ ।
प्रहरीले बम विस्फोट कसले र किन गरायो भन्ने खुल्न नसकेको जानकारी दिएको छ ।
स्थानीयका अनुसार बिहान पौने आठ बजेको समयमा ठूलो आवाजसहित विष्फोट भएको थियो ।
विस्फोट भएको समयमा बास्कोटा निवासमा थिएनन् ।
उनी प्रधानमन्त्री केपी शर्मा ओलीको बालकोटस्थित निजी निवासमा बस्दै आएका छन् ।
