राष्ट्रिय खेलकुद परिषद् (राखेप) का सदस्यसचिव रमेश सिलवालले नेपालगन्ज रंगशालामा १० वर्ष लगाएर बनाइएको पौडी पोखरीको उद्घाटन गरेका छन् । विभिन्न चरणमा गरी १९ करोड रुपैयाँ लागतमा पोखरी निर्माण गरिएको थियो ।
कार्यक्रममा राखेपका सदस्यसचिव सिलवालले पोखरी नुहाउनका लागि मात्र नभई खेलाडी उत्पादनका लागि प्रयोग गर्नुपर्नेमा जोड दिए ।
नेपालगञ्ज उपनगरपालिकाका प्रमुख धवलशम्शेर राणाले पौडी पोखरीको संरक्षणका लागि आवश्यक सहयोग गर्न तयार गरेको बताए । त्यस अवसरमा सदस्य–सचिव सिलवालले नेपालगन्ज रंगशालामा क्षेत्रमा निर्माण गरिएका सुटिङ रेन्ज, कभर्डहललगायत संरचना निरीक्षण गरेका थिए ।
