काठमाडौंको शुक्रराज शास्त्री सरुवारोग हस्पिटलबाट कोरोना भाइरस संक्रमित व्यक्ति पक्रन विराटनगरमा प्रहरी टोली परिचालन गरिएको छ ।
प्रहरीले उनले बोक्दै आएको मोबाइल ट्र्याक गर्दा विराटनगर पुगेको खुलेकाले उनलाई नियन्त्रणमा लिन मोरङमा प्रहरी परिचालन गरिएको जनाइएको छ ।
सुनसरीको इटहरी घर भएका उनी गत राति साढे १० बजेतिर अस्पतालबाट भागेका महानगरीय प्रहरी परिसर काठमाडौंले जनाएको छ ।
कोरियाबाट आएका उनलाई उनका परिवारले शुक्रराज ट्रपिकल सरुवारोग लगेका थिए ।
शुक्रराज शास्त्री हस्पिटलबाट कोरोना भाइरस संक्रमित फरार भएको यो दोस्रो घटना हो । यसअघि साउदी अरबका एक नागरिक पनि फरार भएका थिए ।