काठमाडौं । मौसम पूर्वानुमान महाशाखाका अनुसार, हाल देशमा पश्चिमी एवं स्थानीय वायुको प्रभाव रहेको छ ।
अहिले (बिहीबार बिहान) देशको पहाडी भूभागमा बदली रही बाँकी भूभागमा मौसम सामान्यतया सफा रहेको छ।
आज दिउँसो देशका पश्चिमी भूभागमा सामान्य बदली रहि मध्य र पूर्वि भूभागमा आंशिक देखि सामान्य बदली रहने छ।
पश्चिमी भूभागका केही स्थानमा मेघ गर्जन, चट्याङ, हावाहुरी र असिनासहित वर्षा हुनेछ ।
साथै मध्य र पूर्वी पहाडी भूभागका एक–दुई स्थानमा मेघ गर्जन र चट्याङ सहित वर्षाको सम्भावना छ।
त्यस्तै आज राति देशको पश्चिमी भूभागमा सामान्य बदली र बाँकी भूभागमा आंशिक देखि सामान्य बदली रहनेछ।
पश्चिमी र मध्यका केही स्थानमा मेघ गर्जन, चट्याङ, हावाहुरी र असिनासहित वर्षा हुनेछ ।
त्यस्तै पूर्वी पहाडका एक–दुई स्थानमा मेघ गर्जन, चट्याङ,हावाहुरी र असिना सहित वर्षाको सम्भावना रहेको महाशाखाले जनाएको छ।
