काठमाडौं । काठमाडौं मौसम पूर्वानुमान महाशाखाका अनुसार, हाल देशमा पूर्वी तथा मध्य भूभाग नजिक बनेको न्युन चापिय प्रणाली तथा पश्चिमी वायुको प्रभाव रहेको छ ।
अहिले (बुधबार बिहान)देशका अधिकांश भूभागमा सामान्य देखि पूर्ण बदलीको अवस्था छ।
देशका मध्य र पूर्वका केही स्थानमा मेघ गर्जन र चट्याङ सहित हल्का वर्षा भईरहेको छ।
आज दिउँसो देशको पूर्वी भूभागमा सामान्य देखि पूर्ण बदली रही मध्य र पश्चिमी भूभागमा आंशिक देखि सामान्य बदली रहनेछ।
देशको पूर्वी भूभागका केही स्थानमा र मध्य र पश्चिमी भूभागका पहाडी भेगका केही स्थानमा मेघ गर्जन् र चट्याङ सहित वर्षाको सम्भावना छ ।
त्यस्तै आज राति देशको मध्य भूभागमा सामान्य बदली रही बाँकी भूभागमा आंशिक बदली रहनेछ।
मध्य र पश्चिमी तराईका एक–दुई स्थानमा मेघ गर्जन् र चट्याङ सहित वर्षाको सम्भावना रहेको महाशाखाले जनाएको छ ।
