७६ वर्षीय एक वृद्ध बलात्कार आरोपमा पक्राउ परेका छन् । स्थानीय कांग्रेस नेतासमेत रहेका उनले ६ वर्षीय बालिकालाई बलात्कार गरेको आरोपमा प्रहरीले पक्राउ गरेको हो ।
गुल्मीदरवार गाउँपालिका वडा नम्वर–२ जुभुङमन (साविक काँग्रेस जुभुङ गाउँ कार्य समिति) का पूर्वसभापति रहेका केशरसिंह सारु नेपाली कांग्रेसका क्षेत्रीय प्रतिनिधि समेत हुन् ।
उनलाई सोमबार पक्राउ गरिएको र मंगलबार (आज) अदालतमा जबरजस्ती करणी अभियोगअन्तर्गत मुद्दा दर्ता गरी म्याद थप समेत गरिएको जिल्ला प्रहरी प्रमुख एसपी दीपककुमार बस्नेतले नेपाल फ्ल्यासलाई बताए ।
सोमबार दिउँसो घरमा कोही नभएको बेला ५ रुपैयाँ पैसा दिई अप्राकृति ढंगले आफूमाथि यौन क्रियाकलाप गरेको ती बालिकाले बताएकी छन् ।
केही समयदेखि नै आफूमाथि ती वृद्धले यस्तै क्रियाकलाप गर्दै आएको पनि ती बालिकाले बताएकी छन् ।
