साइप्रसबाट थप ६३ जना नेपाली स्वदेश फर्किएका छन् ।
कोरोना भाइरसको महामारीका कारण अलपत्र परेका नेपालीहरु स्वदेश फिर्ता भएका हुन् ।
नेपाली राजदूतावास ईजरायल, गैर आवासीय नेपाली सघं साइप्रस र नेपाली कन्सुलेट साईप्रसको सहकार्यमा उनीहरुलाई निःशुल्क स्वदेश फर्काइएको नेपाली राजदूतावास ईजरायलका प्रवक्ता अर्जुन घिमिरेले जानकारी दिए ।
समस्यामा परेका विद्यार्थी तथा कामदारलाई आईओएम साईप्रसको विशेष पहलमा स्वदेश फर्काइएको उनले बताए ।
साइप्रसमा समस्यामा परेका अन्य नेपालीलाई समेत छिट्टै सोही प्रक्रियाबाट स्वदेश फर्काइने घिमिरेले बताए ।
