नेकपा एमालेको सचिव योगेशकुमार भट्टराईले गठबन्धन सरकारको आयु लामो नरहेको बताएका छन् । ताप्लेजुङको सदरमुका फुङ्लिङमा मंगलबार पत्रकार सम्मेलन गर्दै उनले आवेगमा एमाले पार्टीको विरुद्धमा पाँच दलको गठबन्धन भएकाले गठबन्धन सरकारको आयु लामो नरहेको बताए ।
गठबन्धनमा आवद्ध दल नस्पाती र सुन्तला जस्तै कुनै गुण, रंग, रस नमिल्ने भएकाले केही समयमै गठबन्धन सरकार विघटनतिर जाने उनकाे दाबी छ । 'अहिलेको गठबन्धन सरकार नस्पाती र सुन्तलाको कलमी जस्तै हो', उनले भने ।
गठबन्धन दलहरूमा विघटनको संकेतहरू देखापर्न थालेकाले आगामी निर्वाचनसम्म पनि यसकाे आयु नरहेको नेता भट्टराईकाे भनाइ छ ।
