काठमाडौं । प्रतिनिधिसभाको बैठक शुरू भएलगत्तै आज पनि प्रमुख प्रतिपक्षी दल नेकपा एमालेले नारावाजी गरेको छ ।
नयाँ बानेश्वरस्थित संघीय संसद भवनमा बसेको बैठकमा एमालेले चर्को नाराबाजी गरेपछि सभामुख अग्निप्रसाद सापकोटाले विपक्षी दललाई संसद चलाउने वातावरण बनाउन आग्रह गरेका थिए ।
तर, एमाले सांसदले सभामुखले भूमिका निष्पक्ष नभएको भन्दै नाराबाजी नरोकेपछि विरोधबीच कानुनमन्त्री ज्ञानेन्द्रबहादुर कार्कीले ‘राष्ट्रिय दलित आयोगको वार्षिक प्रगति प्रतिवेदन, २०७६-०७७ पेस गरेका छन् ।
एमालेको विरोध कायमै रहेपछि सभामुखले शुक्रबारसम्मका लागि बैठक स्थगित गरेका छन् ।