लोकतान्त्रिक समाजवादी पार्टी नेपाल (लोसपा) का केन्द्रीय सदस्य राजकुमार लेखीले पार्टीको सबै पदबाट राजीनामा दिएका छन् ।
बिहीबार केन्द्रीय अध्यक्ष महन्थ ठाकुरलाई बुझाएको राजीनामा पत्रमा लेखीले उल्लेख गरेका छन्-'अब नयाँ राजनीतिक यात्राको थालनी गर्ने निर्णय गरेको हुँदा पार्टीको सबै पदबाट राजीनामा दिएको छु ।'
अबको राजनीतिक यात्रा कता भन्ने प्रश्नमा उनले यही पार्टी नै भनेर खुलाएनन् । एमाले पृष्ठभूमिका लेखीले २०६८ सालमा एमाले छाडी आफ्नो अध्यक्षतामा नेपाल नागरिक पार्टी गठन गरेका थिए । सानो दलप्रति लेखीको मोहभंगले उनी पुनः एमाले छिर्ने आँकलन गरिएको छ ।