काठमाडौं । अविरल वर्षाका कारण पहिरो जाँदा त्रिभुवन राजपथअन्तर्गत धादिङ जिल्लामा पर्ने नागढुंगा नौबिसे सडक खण्ड अवरुद्ध भएको छ । आज बिहान ९ बजे नागढुंगा नजिकै चिसोपानी धारो भन्ने स्थानको आसपासमा पहिरो गएका सडक अवरुद्ध भएको हो ।
अहिलेको स्थितिमा पनि वर्षा जारी नै रहेकाले पहिरो पन्छाउन कठिनाई भईरहेको थानकोट प्रहरीले जनाएको छ । पहिरोका कारण सडक अवरुद्ध हुँदा गन्तव्यमा पुग्नुपर्ने यात्रुहरुले सास्ती पाएका छन् ।
उक्त सडक खण्ड भएर राजधानी छिर्ने र बाहिरिने सबै सवारी साधनहरु रोकिएका छन् भने यात्रुहरु अलपत्र परेका छन् ।
