काठमाडौं । नेपाली कांग्रसका वरिष्ठ नेता रामचन्द्र पौडेल पक्षका जिल्ला सभापतिहरु रिले अनसनमा बसेका छन् ।
पार्टीको आसन्न महाधिवेशनसँग सम्बन्धित विभिन्न मागसहित उनीहरु पार्टी कार्यालय सानेपामा रिले अनसन बसेका हुन् ।
मुख्य रुपमा क्रियाशील सदस्यताको सूची प्रकाशित गर्नुपर्ने मागसहित उनीहरु आज (बुधबार) देखि अनसनमा बसेका हुन् ।
तीन बुँदे मागसहित बस्न लागएिको २४ घण्टे रिले अनसनको पहिलो दिन काभ्रेका सभापति मधु आचार्य, नुवाकोटका जगदिश्वर नरसिंह केसी र धदिङका रमेश धमला अनसनमा बसेका छन् ।
उनीहरू २४ घण्टा बसेपछि अन्य जिल्लाका तीन जना बस्ने तयारी रहेको केसीले बताए ।
आफ्ना माग सुनुवाइ गर्न भन्दै मंगलबार केन्द्रीय कार्यालयमा धर्ना दिँदा पनि पार्टी नेतृत्वले माग सुनुवाइ नगरेको उनीहरुको गुनासो छ ।
