सरकारले नेपाल रेल्वे कम्पनी लिमिटेडको महाप्रबन्धकमा माधव नेपाल नेतृत्वको नयाँ पार्टीका युवा नेतालाई नियुक्त गरेको छ । नेपाल पक्षीय युवा संघका केन्द्रीय उपाध्यक्ष सप्तरीका निरञ्जन झालाई मन्त्रिपरिषद् बैठकले महाप्रबन्धक नियुक्त गरेको हो ।
यसअघि केपी शर्मा ओली नेतृत्वको सरकारले नियुक्त गरेका गुरु भट्टराईलाई नयाँ सरकारले स्पष्टीकरण सोधेको थियो ।
उनले स्पष्टीकरण नदिई राजीनामा दिएका थिए । एमाले फुटाएर एमाले समाजवादी गठन गरेपछि माधवकुमार नेपाल पक्षले धमाधम नियुक्ति पाउन थालेको छ । यसअघिको मन्त्रिपरिषद् बैठकले बागमती प्रदेश प्रमुखमा माधव पक्षीय यादव शर्मालाई नियुक्त गरेको थियो ।
