काठमाडौं । नेकपा एमालेका नेता सूर्य थापाले पार्टी विभाजनमा जाने कसैलाई पनि फाइदा नहुने बताएका छन् ।
२००७ सालदेखिको इतिहास हेर्दा पार्टी विभाजित भइ गएका कुनै पनि पार्टीको प्रगति नभएको उनको तर्क छ । पार्टी विभाजनलाई उनले 'खुद्रा दुकान' भनेका छन् ।
बुधबार सामाजिक सञ्जाल ट्विटरमा थापाले लेखेका छन्, '२००७ सालदेखि नै विभाजित भई खुलेका खुद्रा दुकान चलेका छैनन् ।'
'न मातृका कोइराला नेतृत्वको राष्ट्रिय प्रजा पार्टी चलेको इतिहास छ, न त माधव कुमार नेपालको स्वघोषित समाजवादी नै चल्नेछ', थापाको भनाइ छ ।
'बीपीलाई कमजोर पार्न मातृका र केपीलाई सत्ताच्यूत र कमजोर गर्न माधवलाई उपयोग गरेको स्पष्टै छ !' थापाले दाबी गरेका छन् ।
२००७ सालदेखि नै विभाजित भई खुलेका खुद्रा दुकान चलेका छैनन्।न मातृका काेइराला नेतृत्वकाे राष्ट्रिय प्रजा पार्टी चलेकाे इतिहास रहेकाे छ,नत माधव कु.नेपालकाे स्वघाेषित 'समाजवादी'नै चल्नेछ। बीपीलाई कमजाेर पार्न मातृका र केपीलाई सत्ताच्यूत र कमजाेर गर्न माधवलाई उपयाेग गरेकाे स्पष्टै छ!
— Surya Thapa (@ThapajiSurya) August 18, 2021
