काठमाडौं । नेकपा एमालेका उपाध्यक्ष भीम रावलले पार्टीको विवाद समाधानको लागि राष्ट्रपति (विद्यादेवी भण्डारी) लाई मध्यस्तता गरिदिन आफूले आग्रह नगरेको बताएका छन् ।
रावल र राष्ट्रपतिबीच भएको भेटवार्तामा रावलले पार्टीको विवाद समाधानको लागि राष्टपतिलाई मध्यस्तता गरिदिन आग्रह गरेको समाचार विभिन्न सञ्चारमाध्यममा प्रकाशित भएको थियो ।
सोमबार सामाजिक सञ्जालमा रावलले भनेका छन्, 'राष्ट्रपतिसँगको भेटघाटमा मैले नेकपा एमालेको समस्यामा मध्यस्थता गरिदिन आग्रह गरेको भन्ने समाचार मनगढन्त र भ्रामक हो ।'
'राष्ट्रपतिलाई पार्टी विशेषको विवादमा मध्यस्थता गरिदन आग्रह गर्न नमिल्ने' समेत उनले उल्लेख गरेका छन् ।
राष्ट्रपतिसंगको भेटघाटमा मैले नेकपा (एमाले) को समस्यामा मध्यस्थता गरिदिन आग्रह गरेको भन्ने समाचार मनगढन्त र भ्रामक हो।राष्ट्रपतिलाई पार्टी विशेषको विवादमा मध्यस्थता गरिदन आग्रह गर्न मिल्दैन।
— Dr. Bhim Rawal (@BhimRawal179) August 9, 2021
