लुम्बिनी प्रदेशसभाको विशेष अधिवेशन बोलाइएको छ । प्रदेश प्रमुख अमिक शेरचनले संविधानको धारा १८३ (३) बमोजिम साउन २७ गते १ बजे प्रदेशसभा बैठक आह्वान गरेकाे उनकाे सचिवालयले जनाएकाे छ ।
नेपाली कांग्रेस, नेकपा माओवादी केन्द्र,जसपा र जनमाेर्चाले मुख्यमन्त्री शंकर पोखरेलविरुद्ध प्रदेशसभामा अविश्वास प्रस्ताव दर्ता गरिसकेका छन् ।
बोलाइएकाे विशेष अधिवेशनमा मुख्यमन्त्री शंकर पोखरेलविरुद्ध दर्ता भएकाे उक्त अविश्वास प्रस्तावमाथि छलफल हुनेछ । विपक्षी दलहरूले गत साउन १८ गते प्रदेशसभा सचिवालयमा अविश्वास प्रस्ताव दर्ता गरेका थिए ।