काठमाडौं । एमालेका नेता भीम रावलले प्रतिनिधिसभा सदस्यबाट दिएको राजीनामा फिर्ता लिँदै छन् । यही असार ३ गते प्रधानमन्त्री शेरबहादुर देउवाले विश्वासको मत लिनभन्दा केही समय अगाडि राजीनामा दिएका नेता रावलले फिर्ता लिने तयारी गरेको बताए ।
प्रधानमन्त्री देउवालाई विश्वासको मत दिने नदिनेबारे एमाले वरिष्ठ नेता माधवकुमार नेपालसँग कुरा बाझिएपछि उनले राजीनामा दिएका थिए । नेता रावललाई राजीनामा फिर्ता लिन एमाले नेताहरूले दबाब दिएका थिए ।
त्यस्तै राजीनामा फिर्ता लिन आग्रह गर्दै वरिष्ठ नेता नेपाल बिहीबार रावल निवास टोखा पुगेका थिए । साथै, सुदूरपश्चिम प्रदेशका सांसदहरुले पनि उनलाई राजीनामा फिर्ता लिन दबाब दिएका थिए ।