काठमाडौं । ललितपुरको च्यानलस्थित तुल्सीलाल स्मृति प्रतिष्ठानमा नेकपा एमालेको स्थायी कमिटी बैठक सुरु भएको छ ।

बैठकले केन्द्रीय कमिटी बैठकको एजेन्डा तय गर्ने तथा विधान अधिवेशनको तयारीबारे छलफल गर्ने बताइएको छ । तर बैठकमा वरिष्ठ नेता माधवकुमार नेपाल भने उपस्थित भएका छैनन् ।

पार्टी संरचना २०७५ जेठ २ गते अगाडि फर्काउँदै आइतबारको बैठकमा नेपाल पक्षका नेतालाई समेत डाँकिएको भए पनि सो समूहका नेताहरू सहभागी भएका छैनन् । एमालेले केन्द्रीय कमिटीको बैठक भोलि सोमबारका लागि डाकेको छ ।