काठमाडौं । प्रदेश १ सभामा संघीय सरकारको ढुङ्गा, गिट्टी, बालुवा निर्यात गरी व्यापार घाटा कम गर्ने नीति कार्यान्वयनमा नगर्न माग गदै संशोधन प्रस्ताव दर्ता भएको छ ।
जनता समाजवादी पार्टीका सांसद जयराम यादवले संघीय सरकारले नयाँ बजेटमार्फत् ल्याएको ढुङ्गा, गिट्टी, बालुवा निर्यात गरी व्यापार घाटा कम गर्ने नीति कार्यान्वयनमा नगर्न माग गदै संशोधन प्रस्ताव दर्ता गराएका हुन् ।
सांसद यादवद्वारा दर्ता सो संशोधन प्रस्तावमा ढुंगा, गिटी उत्खनन् र बिक्री गर्ने संघीय सरकारको योजनाले देशकै अन्न भण्डार मानिएको प्रदेश १ को चुरे क्षेत्रको चरम विनाश हुने, पानीको स्रोत सुक्ने, पर्यावरण र जैविक विविधताको नास हुने उल्लेख छ ।
'प्रदेश १ लाई मरुभूमि हुनबाट जोगाउन ढुंगा, गिटी निर्यात गर्न नदिइयोस,' उनले भनेका छन् ।
