काठमाडौं । आज सत्तारुढ दल नेपाल कम्युनिष्ट पार्टीको ७२औँ स्थापना दिवस परेको छ । आज नेपाल कम्युनिष्ट पार्टीको ७२औँ स्थापना दिवसमा एमालेले विभिन्न कार्यक्रम गरी मनाउँदै छ । 

उक्त दिवसकै अवसर पारेर एमाले आज बल्खुस्थित पार्टी कार्यालय शिलान्यास गर्ने बताइएको छ । प्रधानमज्त्री तथा पार्टी अध्यक्ष केपी शर्मा ओलीले बिहान ९ बजे नयाँ बन्ने पार्टी कार्यालयको शिलान्यास गर्ने कार्यालय सचिव इश्वरी रिजालले बताए । 

२०७२ सालको भूकम्पले मदननगर बल्खुमा रहेको पार्टी कार्यालय बस्न नमिल्ने भएपछि पार्टी कार्यालय धुम्बाराहीमा सारिएको थियो । धुम्बाराहीमा पनि सडक विस्तारका कारण समस्या आउने भएपछि एमालेले पार्टी कार्यालय अहिले थापाथलीमा सारेको छ ।