नेपाली काँग्रेसका सांसद गगन थापाले संसदमा बहसमा आउन प्रधानमन्त्री केपी शर्मा ओलीलाई चुनौती दिएका छन् । संसद्को बिहीबारको बैठकमा उनले सरकार बनेको तीन वर्षमा केके काम भए भन्ने बहस गर्न आफूहरू तयार रहेको बताए ।
प्रधानमन्त्रीले दैनीकजसो धेरै परियोजनाको उद्घाटन गरेको भन्दै त्यो फण्डा मात्रै भएको टिप्पणी गरे ।
‘पहिल्यै सञ्चालनमा आइसकेको आयोजना उद्घाटन गरिएको छ, ठेक्का प्रक्रिया नै सुरु नभएको आयोजना शिलान्यास गरिएको छ’ थापाले भने, ‘तथ्य र तथ्याङ्कमा टेकेर बहस गर्न म तपाईँलाई संसदमा निम्तो दिन चाहन्छु ।’
