गण्डकी सरकारमा सहभागी नेकपा माओवादी केन्द्रका दुई जना मन्त्रीले आज राजीनामा दिने भएका छन् । आन्तरिक मामिला तथा कानुनमन्त्री हरिबहादुर चुमान र कृषिमन्त्री लेखबहादुर थापाले राजीनामा दिने तयारी गरेका हुन् ।
आज बस्ने प्रदेश सभाको बैठकमा सम्बोधन गरेर दुवै मन्त्रीले राजीनामा दिने तयारी गरेको माओवादी केन्द्रले जनाएकाे छ । प्रदेश सभाको बैठक दिउँसो १ बजे बस्दैछ ।
नेकपा माओवादी केन्द्रले नेकपा एमालेलाई दिएकाे समर्थन फिर्ता नलिइसके पनि प्रदेशबाट मन्त्री फिर्ता बोलाउन थालेकाे हाे ।
