काठमाडौं ।नेकपा माओवादी केन्द्रका अध्यक्ष प्रचण्ड जनआन्दोलन दिवस मनाउन रुकुम पश्चिम गएका छन् ।
फागुन २३को सर्वोच्च अदालतको फैसलासँगै राजनीति पोखरीमा जमेको पानी जमेझै जमेपछि ग्रामीण भेगमा निस्कने गरेका थाहाल सोहीबमोजिम जनआन्दोलन दिवस मनाउन रुकुम पश्चिम गएका हुन् ।
शुक्रबार नेपाली कांग्रेसले आफ्नै नेतृत्वमा सरकार बनाउन प्रयत्न गर्ने निर्णय गरेसँगै नेपालको राजनीतिलले कोल्टे फर्ने दाहाले बताए पनि मंगलबार बतिसक्दा पनि राजनीति टसको मस हुन सकिरहेको छैन ।
शनिबार कपिलवस्तुमा आयोजित जिल्लास्तरीय प्रशिक्षण तथा पार्टी प्रवेश कार्यक्रममा प्रचण्डले नयाँ सरकार गठनका लागि आजैबाट दलहरुसँग छलफल गर्ने बताएका थिए ।
प्रचण्डले जिल्ला सदरमुकाम खलंगामा हुने पार्टीको जनसभालाई सम्बोधन गर्ने कार्यक्रम रहेको छ । सो कार्यक्रममा पूर्वमन्त्री तथा माओवादीका नेता जनार्दन शर्मा प्रभाकर पनि सहभागी हुनेछन् ।
प्रभाकर रुकुमपश्चिमका निर्वाचित जनप्रतिनिधिसमेत हुन् ।
