काठमाडौं । नेपाली कांग्रेसका नेता रामहरी खतिवडाले नाता र दाता मिलाउन नजान्दा ‘नेकपा’को करिब सरकार गर्ल्यामगुर्लुम ढल्ने अवस्था पुगेको बताएका छन् ।
शनिबार उदयपुरको गाईघाटमा राष्ट्रिय मगर संघ प्रदेश नम्बर १द्वारा आयोजित बृहत् मगर भेलामा आफ्ना धारणा राख्ने क्रममा नेता खतिवडाले सो बताएका हुन् ।
‘कहिले एमाले, कहिले माओवादी, कहिले नेकपा, कहिले ओकपा त कहिले पुकपाको नाममा फुट्दै आएको कम्युनिस्टहरूले जनतालाई निराशा बाहेक अरु दिन सकेनन्,’ खतिवडाले भने ।
सो क्रममा उनले आगामी कांग्रेसको १४ औँ महाधिवेशनबाट महिला, उत्पीडित, दलित, जनजातिको समान सहभागिता हुनुपर्नेमा जोड दिए ।
