काठमाडौं । नेकपा एमाले माधव समूहले युवा संघ नेपालको नेतृत्व परिवर्तनबारे अध्यक्ष केपी शर्मा ओलीलाई जानकारी गराएको छ ।
सो समूहका महासचिव दीपक जिएमले पत्र लेख्दै अदालतको फैसलाअनुसार, पुनर्स्थापित युवा संघले नेतृत्व परिवर्तन गरेको जानकारी दिएका हुन् ।
नेपाल समूहले गत चैत ७ गते युवा संघको राष्ट्रिय भेला गरेर जरेश शाहीको अध्यक्षतामा नयाँ नेतृत्व चयन गरेको थियो ।
युवा संघको विधान, झन्डा, लोगो र छाप प्रयोग गर्ने अधिकार पनि आफूहरुसँग मात्रै भएको दावी पत्रमा उल्लेख गरिएको छ । साथै, पत्रमा युवा संघको झन्डा, नाम र विधान अरुले पनि प्रयोग गरिरहेकाले त्यस्तो कार्य रोक्न माग समेत गरिएको छ ।