काठमाडौं । होटेल तथा रेस्टुरेन्टले विद्युत् डिमान्ड शुल्कमा छुट पाउने भएका छन् ।
सरकारका प्रवक्ता पार्वत गुरुङका अनुसार सरकारले लकडाउन घोषणा गरेको अवधि २०७६ चैत ९ देखि २०७७ भदौ मसान्तसम्मको शतप्रतिशत डिमान्ड शुल्कमा छुट दिने निर्णयसँगै उनीहरुले छुट पाउने भएका हुन् ।
२०७७ असोज १ गतेदेखि २०७७ माघ मसान्तसम्मको डिमान्ड शुल्कमा भने ५० प्रतिशतले छुट दिने निर्णय सरकारले गरेको हो ।
सरकारले कोरोना भाइरस (कोभिड-१९) बाट अतिप्रभावितको सूचीमा रहेका तथा होटेल उद्योगको रुपमा दर्ता भई सञ्चालनमा रहेका, नियमित रुपमा नवीकरण भएका र कर विवरण पेस गरेकाहरुलाई छुट दिने निर्णयसँगै उनीहरुले छुट पाउने भएका हुन् ।
