काठमाडौं । प्रधानमन्त्री केपी शर्मा ओली र नेकपा एमालेका उपाध्यक्ष वामदेव गौतमले समानान्तर किसान महासंघको बैठक बोलाएका छन् ।
ओली र गौतमले नेकपा एमालेको जनसंगठन अखिल नेपाल किसान महासंघमा पनि समानान्तर बैठक बोलाएका हुन् ।एमाले उपाध्यक्ष तथा किसान महासंघका अध्यक्ष वामदेव गौतमले ललितपुरको धोबिघाटमा किसान महासंघको राष्ट्रिय समितिको बैठक राखेका छन् । नेकपा हुँदाको अवस्थामा अध्यक्ष रहेका गौतमले सोहीबमोजिम सो बैठक डाकेका हुन् । एमाले र माओवादीबीच एकताअगाडि गौतम महासंघका अध्यक्ष थिए ।
त्यसैगरी, एमाले अध्यक्ष एवम् प्रधानमन्त्री केपी ओली समूहले पनि अखिल नेपाल किसान महासंघको नाममा बैठक बोलाएको छ । ओलीले शनिबार किसान महासंघको स्थायी कमिटी र पर्सी राष्ट्रिय समितिको बैठक बोलाएका हुन् । महासंघका उपाध्यक्ष रहेका प्रेम दंगाललाई ओलीले अध्यक्षको जिम्मा दिएका छन् ।
