काठमाडौं । नेकपा एमाले संसदीय दलका उपनेता सुवास नेम्वाङले माधव नेपाल र झलनाथ खनाललगायत नेताहरुलाई पार्टीमा सम्मानजनक व्यवहार हुने बताएका छन् ।
बुधबार संसद भवन परिसरमा पत्रकारहरुसँग कुरा गर्दै नेता नेम्वाङले सो कुरा बताएका हुन् । सञ्चारकर्मीहरुसँग नेम्वाङले भने, ‘उहाँहरुलाई सम्मानजनक ढंग व्यवहार हुन्छ ।’
संसद् विघटन गर्ने ओलीको कदमप्रति विरोध जनाउँदै नेपाल–खनालसहित उनीपक्षीय नेताहरु प्रचण्ड खेमामा रहेर सरकारविरुद्ध आन्दोलनरत थिए । तर, फागुन २३को सर्वोच्चको फैसलासँगै पूर्ववत एमालेमा फर्कनुपर्ने बाध्यता सिर्जना भएको छ ।
