ललितपुर । मन्त्री क्वाटर नजिकै कालो झण्डा देखाउने क्रममा नेकपा (प्रचण्ड-माधव समूह) का अनेरास्ववियू विद्यार्थी नेताहरु पक्राउ परेका छन् ।
मन्त्रीहरु निवासतिर फर्कने क्रममा पुल्चोकस्थित मन्त्री क्वाटर नजिकै विद्यार्थीहरुले कालो झण्डा देखाएका हुन् ।
मन्त्रीको गाडी देख्दा साथ विद्यार्थीहरुले कालो झण्डा देखाएका थिए ।
पूर्वघोषित कार्यक्रम अनुसार मन्त्रीहरुलाई कालोझण्डा देखाएर विरोध गरिएको अनेरास्ववियूले जनाएको छ ।
मन्त्रीको गाडीलाई रोकेर नै विद्यार्थीहरुले विरोध जनाएका थिए ।
विरोध प्रदर्शनका क्रममा प्रहरीले विद्यार्थी नेताहरुलाई पक्राउ गरेको छ ।
अनेरास्ववियूका नेताहरु आरती लामा, मनिषा कार्की, सञ्जय काल्जन, निरोज श्रेष्ठ पक्राउ परेका छन् ।
उनीहरुलाई अहिले महानगरीय प्रहरी परिसर जावलाखेलमा राखिएको छ ।
