राष्ट्रिय प्रजातन्त्र पार्टीका अध्यक्ष प्रकाश चन्द्र लोहनीले एक अर्ब खर्च गरेर पशुपतिनाथमा सुनको जलारी राख्ने विषयमा सरकारलाई सुुझाव दिएका छन् ।
उनले सुन को जलारी राख्ने पैसाले विश्वविद्यालय खोलेर सातै प्रदेशका गरिब, जेहेनदार र विभिन्न जातीय समूहका विद्यार्थीहरुलाई नि:शुल्क उच्च शिक्षाको व्यवस्ता गरे त्यो नै भोलेनाथप्रति सच्चा भक्ति हुने बताएका छन् ।
सामाजिक संजालमा लेख्दै उनले भनेका छन्– ‘एक अर्ब खर्च गरेर पशुपतिनाथमा सुनको जलारी राख्ने सरकारी लक्ष्य पढियो । मेरो सल्लाह छ, बाबा भोलेनाथप्रति भक्ति र समर्पण गर्न त्यो पैसाबाट बाबा पशुपतिनाथ विश्वविद्यालय खोल्ने तरखर गर्नुस् । यो विश्वविद्यालयमा पशुपतिनाथमा भक्तजनहरुले चढाएको भेटीबाट देशको सातै प्रदेशबाट छानियेका गरिब, जेहेन्दार र विभिन्न जातीय समूह का विद्यार्थीहरु नि:शुल्क उच्च शिक्षाको व्यवस्था गर्नुस् यो नै बाबा भोलेनाथप्रति सच्चा भक्ति हुनेछ’