प्रतिगमन विरोधी आन्दोलन सशक्त पार्ने कार्यक्रम तय गर्न नेपाल कम्युनिस्ट पार्टी (नेकपा) प्रचण्ड माधव पक्षको स्थायी कमिटी बैठक जारी छ । ११ बजेपछि कोटेश्वरस्थित केन्द्रीय कार्यालय पेरिसडाँडमा सुरु भएको बैठकमा नेताहरूले धारणा राख्ने क्रम जारी छ।

अहिले बैठकमा माधव नेपाल नेतृत्वको कार्यदलले बुझाएको प्रतिवेदनमाथि छलफल भइरहेको नेताहरूले बताएका छन् । बैठकले आन्दोलनका थप कार्यक्रम घोषणा गर्ने बताइएको छ ।

बैठक आजै सक्ने तयारी रहे पनि छलफलका आधारमा निर्णय हुने नेताहरु बताउँछन् । पुस ५ गतेको प्रधानमन्त्री केपी शर्मा ओलीको संसद् विघटनको सिफारिस गर्ने निर्णयविरुद्ध अध्यक्ष पुष्पकमल दाहाल ‘प्रचण्ड’ र माधवकुमार नेपाल नेतृत्वको नेकपा लगातार आन्दोलनमा छ । आन्दोलनलाई थप प्रभाकारी र सशक्त बनाउन बैठकले निर्णय गर्ने तयारी गरेको बुझिएको छ ।