नेकपाका नेता योगेश भट्टराईले प्रधानमन्त्री केपी ओली गणतन्त्र र संघीयताविरोधीको प्रतिनिधि पात्र भएकाे बताएका छन् । नेकपाको प्रचण्ड–नेपाल समूहले आयोजना गरेको पत्रकार भेटघाटका क्रममा नेता भट्टराईले यस्तो बताएका हुन् ।
सो क्रममा उनले प्रदेश विघटन र संकटकाल घोषणा गरिए लोकतान्त्रिक अधिकार कुण्ठित हुने र तत्कालीन राजा ज्ञानेन्द्र शाह प्रवृत्तिको पुनरावृत्ति हुने खतरा पनि औँल्याएका छन् ।
उनले ओलीले जनयुद्धका मुद्दाका कुरा उठाउन थालेको भन्दै उनले यस्तो भए पुरानै अवस्थामा फर्कनु पर्ने पनि बताए । जनयुद्धका सबै मुद्दा सत्यनिरुपण तथा मेलमिलाप आयोगले हेर्ने निर्णय भएको पनि उनले स्मरण गराए । भट्टराईले अहिलेको उपलब्धि जनयुद्ध र जनआन्दोलनकै कारणले भएको पनि उनले बताए ।
