हेटौंडा । मकवानपुरको मनहरी गाउँपालिकाका उपाध्यक्ष मनिला विष्टले उपाध्यक्ष पदबाट दिएको राजीनामा स्वीकृत भएको छ ।
गत मङ्सिर २९ गते प्राप्त राजीनामा स्वीकृत गरिएको गाउँपालिकाका अध्यक्ष एकराज उप्रेतीले जानकारी दिए ।
अध्यक्षको क्रियाकलापलगायत कुरामा असन्तुष्टि जनाउँदै उपाध्यक्ष विष्टले पदबाट राजीनामा दिइएको बताइएको छ ।
गाउँपालिकाका अध्यक्ष उप्रेतीले संविधानमा उल्लेख भएको अधिकार अनुसार नै राजीनामा स्वीकृत गराएको बताएका छन् ।
संविधानमा अध्यक्षले उपाध्यक्ष समक्ष र उपाध्यक्षले अध्यक्ष समक्ष लिखित राजीनामा दिए राजीनामा स्वीकृत भई पद रिक्त हुने व्यवस्था छ ।
स्थानीय तह निर्वाचनपछि उपाध्यक्षको राजीनामा स्वीकृत भएको यो पहिलो घटना हो ।
गाउँपालिका अध्यक्ष र तत्कालिन उपाध्यक्ष नेकपा एमालेबाट निर्वाचित भएका हुन् ।
