काठमाडौं । नेपाल कम्युनिस्ट पार्टी (नेकपा) का अध्यक्ष केपी शर्मा ओली पक्षले बोलाएको केन्द्रीय समिति बैठक सुरु भएको छ ।
निर्धारित समयभन्दा दुई घण्टा ढिलागरी बैठक सुरु भएको हो ।
केपी शर्मा ओलीको अध्यक्षतामा बैठक सुरु भएको प्रधानमन्त्री ओलीका प्रमुख सल्लाहकार विष्णु रिमालले जानकारी दिए ।
सामाजिक सञ्जाल ट्विटरमा रिमालले लेखेका छन्, ‘नेकपा केन्द्रीय कमिटीको आकस्मिक बैठक अध्यक्ष एवं प्रधानमन्त्री केपी शर्मा ओलीको अध्यक्षतामा बालुवाटारमा शुरू ।’
उक्त बैठकको पूर्व माओवादी समूहका स्स्थायी मिति सदस्यहरु मणि थापा र टोपबहादुर रायमाझी पनि सहभागी रहेको एक नेताले बताए ।
ती नेताका अनुसार आजको बैठकले कार्यकारी अध्यक्ष पुष्पकमल दाहाल प्रचण्ड र वरिष्ठ नेता माधवकुमार नेपाल पक्षका सबै नेताहरुलाई कारबाही गरी नयाँ सदस्य थप्ने छ ।
