काठमाडौं । सत्तारुढ दल नेकपाका कार्यकारी अध्यक्ष पुष्पकमल दाहाल तथा वरिष्ठ नेता माधवकुमार नेपाल र प्रमुख प्रतिपक्षी नेपाली कांग्रेसका वरिष्ठ नेता रामचन्द्र पौडेलबीच भेटवार्ता भएको छ ।
तीन नेताबीच शुक्रबार अपराह्न भेट भएको हो । भेटमा अध्यादेश प्रकरण र समसामयिक विषयमा छलफल भएको स्रोतले बताएको छ । तर, दुवै पक्षले अन्य थप के विषयमा कुरा भयो भनी खुलाएका छैनन् ।
नेकपामा आन्तिरक किचलो चलिरहेका बेला प्रचण्ड माधव नेपाल पक्षले प्रदेश १ आफूनिकटलाई पार्टीको आन्तिरक ब्रिफिङ गरेकै दिन उनीहरुले पौडेलसँग भेट गरेका हुन् ।
सरकारले जारी गरेको संवैधानिक परिषदको बैठकलाई लिएर प्रतिपक्षी दलले पनि असन्तुष्टि जनाइरहेका बेला भएको यो भेटलाई महत्वका साथ हेरिएको छ ।
