काठमाडौं । सरकारका उपप्रधानमन्त्री ईश्वर पोखरेलले सरकारले ल्याएको अध्यादेशलाई संविधानमा टेकेर साहसिक काम गर्न मिल्ने बताइएको बताएका छन् । 

संवैधानिक बैठकसम्बन्धी सरकारले मंगलबार ल्याएको  अध्यादेशलाई लिएर चौतर्फी विरोध भइरहेका बेला पोखरेलले सामाजिक सञ्जालमार्फत अध्यादेशबारे भएको आलोचनाको बचाउ गर्दै यस्तो बताएका हुन् । 

अध्यादेश जारी भएसँगै संविधानमा आधारित हुँदै संविधानलाई नै कार्यान्वयन गर्न र गतिशील बनाउन सहज भएको उनको भनाइ छ । 

‘सरकार तथा राज्य संचालनमा निरन्तर अवरोध र अनिर्णयको बन्दी बनाइरहने ( दुष्प्रयत्नविरूद्ध संविधानमा ले नै गरेको व्यवस्थामा टेकेर साहसिक काम गर्न मिल्ने कि नमिल्ने, सो ट्विटमा उनले भनेका छन् ‘अध्यादेश जारी हुनु/ गर्नु संविधानमा आधारित हुँदै संविधानलाई नै कार्यान्वयन गर्न,यसलाई गतिशील बनाउन हो ! किन नबुझेको ?’

सरकार तथा राज्य संचालनमा निरन्तर अवरोध र अनिर्णयको वन्दी बनाइरहने ( दुस्) प्रयत्नका विरूद्ध संविधानले नै गरेको व्यवस्थामा टेकेर साहसिक काम गर्न मिल्ने कि नमिल्ने?अध्यादेश जारी हुनु/ गर्नु संविधानमा आधारित हुँदै संविधानलाई नै कार्यान्वयन गर्न,यसलाई गतिशील बनाउन हो ! किन नबुझेको !?

— Ishwar Pokhrel (@IshwarPokhrel) December 15, 2020

सरकारले ल्याएको अध्यादेशबारे सत्तारुढ दलकै कार्यकारी अध्यक्ष पुष्पकमल दाहाल,प्रतिपक्षी दलका नेता शेरबहादुर देउवा, सभामुख अग्निप्रसाद सापकोटा र पार्टी प्रवक्ता नारायणकाजी श्रेष्ठलगायत बुद्धिजीवीले आलोचना गरेका छन् । यसका अलवा सो विषयलाई लिएर सामाजिक सञ्जालमा पनि आलोचना हुने क्रम जारी छ ।