काठमाडौं । संवैधानिक परिषद्को बैठक स्थगित भएको छ ।
संवैधानिक परिषद्को बैठक मंसिर ३० गतेसम्मका लागि स्थगित भएको हो ।
प्रधानमन्त्री केपी शर्मा ओलीले आज (आइतबार) का लागि बोलाएको बैठकमा कोरम नपुगेपछि बैठक स्थगित गरिएको हो ।
प्रमुख प्रतिपक्षी दल नेपाली कांग्रेसका सभापति शेरबहादुर देउवा अनुपस्थित हुने भएपछि बैठक स्थगित भएको हो ।
देउवाले २९ मंसिरको प्रदर्शन अगाडि बैठकमा आउन नसक्ने सन्देश ओलीलाई शनिबार नै पठाएका थिए । कांग्रेसले २९ गते सरकारविरुद्ध देशव्यापी प्रदर्शन गर्दैछ ।
रिक्त पदहरु
हाल अख्तियार दुरुपयोग अनुसन्धान आयोग लगायत बिभिन्न संवैधानिक आयोगहरुमा प्रमुख आयुक्त तथा आयुक्तहरु गरी ४५ पद रिक्त छ ।
राष्ट्रिय मानवअधिकार आयोग : अध्यक्ष र ४ आयुक्त
अख्तियार दुरुपयोग अनुसन्धान आयोग : प्रमुख र २ आयुक्त
निर्वाचन आयोग : २ आयुक्त
राष्ट्रिय प्राकृतिक स्रोत तथा वित्त आयोग : ४ आयुक्त
राष्ट्रिय महिला आयोग : अध्यक्ष र चार आयुक्त
राष्ट्रिय दलित आयोग : अध्यक्ष र चार आयुक्त
समावेशी आयोग : अध्यक्ष र तीन आयुक्त
आदिवासी तथा जनजाति आयोग : अध्यक्ष र चार आयुक्त
मधेसी आयोग : चार आयुक्त
थारु आयोग : चार आयुक्त
मुस्लिम आयोग : चार आयुक्त