काठमाडौं । जसपाका नेता तथा पूर्वप्रधानमन्त्री बाबुराम भट्टराईले चन्द समूहले जनयुद्धको भद्दा नक्कल गर्न खोजेको आरोप लगाएका छन् ।
शुक्रबार साझ एक ट्विट गर्दै उनले यस्तो आरोप लगाएका हुन् । यसका अलवा उनले चन्द समूहको आन्दोलनलाई नीति कथाको बाॅदरले मान्छेले दारी खौरेको नक्कल गर्न खोज्दा आफ्नै नाक काटेको उदाहरण दिएर व्यंग्यसमेत गरेका छन् । त्यसैगरी, उनले चन्द समूहलाई गलत नीति त्यागी वार्तामा आउन सुझाव पनि दिएका छन् ।
‘व्यक्ति हत्याको गलत नीतिले कुमार पौडेलहरूलाई नक्कली मुठभेडमा मार्ने सरकारलाई बल पुर्याइरहेछ, उनले सो ट्विटमा भनेका छन्, ‘चन्द समूहले गलत नीति त्यागोस्; राज्यले सार्थक वार्ता गरोस् ।’
चन्दसमूहले जनयुद्धको भद्दा नक्कल गर्न खोजेर नीतिकथाको बाॅदरले मान्छेले दारी खौरेको नक्कल गर्नखोज्दा आफ्नै नाक काटेको सम्झना गराइरहेछ।व्यक्तिहत्याको गलत नीतिले कुमार पौडेलहरूलाई नक्कली मुठभेडमा मार्ने सरकारलाई बल पुर्याइरहेछ।चन्दसमूहले गलत नीति त्यागोस;राज्यले सार्थक वार्ता गरोस्!
— Baburam Bhattarai (@brb1954) December 11, 2020
