काठमाडौं । नेपाल सरकारले नेपाल प्रहरीमा एक जना प्रहरी अतिरिक्त महानिरीक्षक (एआइजी) र पाँच प्रहरी नायब महानिरीक्षक (डिआइजी) को दरबन्दी थप गर्न स्वीकृत दिएको छ ।
गृृह मन्त्रालयले पाँच डिआइजीको दरबन्दी थप्नुपर्ने रायसहित स्वीकृतिका लागि संगठनात्मक स्वरुप निर्धारण (ओएण्डएम) मन्त्रिपरिषद्मा पठाएपछि सरकारले एआइजीको दरबन्दीसमेत थप गर्न स्वीकृत दिएको छ ।
एआइजीको दरबन्दी थप्ने प्रयासका कारण लामो समयदेखि ओएण्डएम स्वीकृत हुन सकेको थिएन । दरबन्दी थपसम्बन्धी पत्र बुधबार प्राप्त भएको गृह मन्त्रालयले जानकारी दिएको छ ।
प्रहरीमा हाल प्रशासनतर्फ १४ र प्राविधिक आठ गरी २२ जना डिआइजी छन् ।
