काठमाडौं । जनता समाजवादी पार्टीका नेता एवं पूर्वप्रधानमन्त्री डा. बाबुराम भट्टराईले चीनबाट आयात गर्न लागिएका सामान लामो समयदेखि सीमामै रोकिँदा पनि सरकारले भित्राउन पहल नगरेको आरोप लगाएका छन् ।
२० अर्बभन्दा बढी मूल्यका सामान सहितका कन्टेनर ६ महिनाभन्दा बढी समयदेखि सीमानामा अलपत्र परेको उनले बताएका छन् ।
लामो समयदेखि सामान रोकिँदा नेपाली व्यवसायीहरूलाई आसन्न चाडबाडको मुखमा ठूलो असुविधा र नोक्सान भैरहेको भन्दै उनले ती समान भित्राउन पहल गर्न सरकारलाई आग्रह गरेका छन् ।
सामाजिक सञ्जाल ट्विटरमा मंगलबार ट्विट गर्दै उनले, 'सरकार किन कानमा तेल हालेर बसेको हो ?' भनी प्रश्न गरेका छन् ।
छिमेकी चीनबाट आयात हुन लागेका बीस अर्ब बढी मूल्यका सामान सहितका कन्टेनर ६महिना बढी समयदेखि सीमानामा अलपत्र भएर बसेकाले नेपाली व्यवसायीहरूलाई आसन्न चाडबाडको मुखमा ठूलो असुविधा र नोक्सान भैरहेको छ।व्यवसायीहरू हारगुहार गर्दै यत्रतत्र कुदिरहेछन्!सरकार किन कानमा तेल हालेर बसेको हो? pic.twitter.com/I2v5EBDLcZ
— Baburam Bhattarai (@brb1954) September 22, 2020
