काठमाडौं । राष्ट्रिय प्रजातन्त्र पार्टीका अध्यक्ष कमल थापाले सत्तारुढ नेकपाभित्रको विवाद नितान्त व्यक्तिगत र व्यक्ति परिवर्तनमा केन्द्रित रहेको बताएका छन् ।
नेकपामा पछिल्लो समय बढ्दै गएको विवादतर्फ संकेत गर्दै अध्यक्ष थापाले व्यक्ति परिवर्तनबाट अहिलेको समस्याको समधान नहुने बताएका छन् ।
शनिबार सामाजिक सञ्जाल ट्विटरमा ट्विट गर्दै उनले ओलीलाई हटाएर अहिलेको समस्या समधान नहुने टिप्पणी गरेका छन् । तर उनले ओलीको नाम भने उल्लेख गरेका छैनन् ।
१२ बुँदै सम्झौताको मार्गचित्र अनुसार अगाडि बढ्दा अहिले समस्या आएको बताउँदै अध्यक्ष थापाले उक्त मार्गचित्र परिवर्तन गर्नुपर्ने तर्क गरेका छन् ।
साथै, जनादेशअनुसार पाँच वर्ष मिलेर काम गर्न उनले नेकपालाई सुझाव समेत दिएका छन् ।
सत्तारुढ दल नेकपाको विवाद नीति/पद्दति/प्रणालीवारे होईन,नितान्त व्यक्तिगत/व्यक्ति परिवर्तनमा केन्द्रित रहेको छ।अहिलेको समस्याको समाधान व्यक्ति परिवर्तनबाट हुंदैन।सक्नुहुन्छ भने १२बुंदे सम्झौतापछिको मार्गचित्र परिवर्तनगर्ने आंट गर्नोस्।होइन भने जनादेश अनुसार ५बर्ष मिलेर काम गर्नोस्
— Kamal Thapa (@KTnepal) July 18, 2020