काठमाडाैं । नेपाली कांग्रेसको भातृ संगठन नेविसंघले चिनियाँ राजदूतावासअगाडि विरोध प्रदर्शन गरेको छ ।
चिनियाँ राजदूत होउ यान्छीले कूटनीतिक मर्यादाविपरीत नेकपाका नेताहरुसँग भेटवार्ता गरेको भन्दै नेविसंघले विरोध गरेको हो ।
मंगलबार बिहान मात्रै चिनियाँ राजदूत यान्छीले नेकपाका वरिष्ठ नेता झलनाथ खनालसँग भेटघाट गरेकी छिन् ।
यसअघि उनले प्रधानमन्त्री केपी शर्मा ओली, पूर्वप्रधानमन्त्री माधवकुमार नेपाल र पार्टी अध्यक्ष पुष्पकमल दाहालसँग पनि भेट गरेकी छिन् ।
जबजब नेकपा संकटमा पर्छ त्यतिखेर चिनियाँ राजदूत सक्रिय हुने गरेकी छन् । यसका अलवा नेकपामा विवाद उत्पन्न हुँदा त्यसको निरुपणमा पनि उनको सक्रिय भूमिका रहेको भनी टिप्पणी गर्ने गरिएको छ ।
नेकपाका नेतासँग उनको पछिल्लो भेटलाई पनि यही चच्छुले हेरिएको छ ।
