काठमाडौं । पूर्वप्रधानमन्त्री तथा जनता समाजवादी पार्टीका वरिष्ठ नेता डा बाबुराम भट्टराईले प्रधानमन्त्री केपी ओलीलाई आफ्नै पार्टीबाहेक अरुले हटाउन नसक्ने बताएका छन् ।
आइतबार प्रधानमन्त्री केपी शर्मा ओलीले नेपालको नक्सामा कालापानीलगायत क्षेत्र राखेकाले भारत आफूलाई प्रधानमन्त्री पदबाट हटाउन लागिपरेको बताएसँगै त्यसको जवाफमा भट्टराईले ट्विटमार्फत यस्तो बताएका हुन् ।
सो ट्विटमा भट्टराईले यही अवस्थमा प्रधानमन्त्रीलाई हटाउने व्यवस्थामा संविधानमासमेत नभएको स्मरण गराउँदै उनलाई उनैको पार्टीबाहेक अरुले हटाउन नसक्ने उल्लेख गरेका छन् ।
बहुमत प्राप्त प्रम@kpsharmaoli लाई आफ्नै पार्टीले बाहेक अरूले हटाउन सक्ने व्यवस्था हाम्रो संविधानमा छैन।तर अहिले हटाए नक्सा छापेको करणले हुने! भोलि सलहले दुख दिएको बेला हुने! पछि बाढीपैरो आएको बेला हुने! अलिपछि दशैंतिहारको बेला हुने! अनि जाडोको बेला हुने!उचित बेला चैं कैले रच हँ?
— Baburam Bhattarai (@brb1954) June 28, 2020
’बहुमत प्राप्त प्रमलाई आफ्नै पार्टीलेबाहेक अरूले हटाउन सक्ने व्यवस्था हाम्रो संविधानमा छैन,’ उनले गरेको ट्विटमा भनिएको छन् ।
यसका अलवा उनले प्रधानमन्त्रीको भनाइलाई लिएर व्यग्यसमेत गरेका छन् ।
सो ट्विटमा भनिएको छ, ‘अहिले हटाए नक्सा छापेको करणले हुने र भोलि सलहले दुःख दिएको बेला हुने पछि बाढी पहिरो आएको बेला हुने अलिपछि दशैं तिहारको बेला हुने अनि जाडोको बेला हुने उचित बेला कहिले रहेछ हँ ।’
