काठमाडौं । उपप्रधान तथा रक्षामन्त्री ईश्वर पोखरेलले असार १० गतेपछि लकडाउन पुनः कडाइ गर्ने भन्ने कुरा निराधार भएको बताएका छन् ।
जनजीवनलाई सामान्य गराउन सीमित गतिविधिहरु खुकुलो मात्र गरिएको बताउँदै उनले अहिले पनि लकडाउन कायमै रहेको बताएका छन् ।
असार १० पछि लकडाउन कडा पार्ने हल्ला बाहिर आएपछि सोमबार उपप्रधान तथा ईश्वर पोखरेलले यस्तो बताएका हुन् ।
जनताको दैनिक जीवन सहज बनाउन लकडाउन केही खुकुलो गरिए पनि जनता आफैं सचेत हुनुपर्ने उनले बताए ।
यसका साथै, उनले कहीँ कतै अवस्था अलि जटिल देखिएमा मात्र निश्चित एरियालाई सिल गर्ने उनले बताए ।
