काठमाडौं । राष्ट्रिय प्रजातन्त्र पार्टीका अध्यक्ष कमल थापाले कोरोना भाइरस (कोभिड–१९) नियन्त्रणमा सरकारले राम्रो काम गर्न नसकेको आरोप लगाएका छन् ।
सिमावर्ती क्षेत्रमा आवागमन नियन्त्रण, क्वारेन्टाइन व्यवस्थापन र परीक्षणको दायरा बढाउन सरकार कमजोर देखिएको उनले बताए ।
सामाजिक सञ्जाल ट्विटरमा आज ट्विट गर्दै थापाले 'कोभिड–१९ नियन्त्रणमा सरकारले राम्रो काम गर्न नसकेको' आरोप लगाएका हुन् ।
देशमा कोरोना संक्रमणको खतरा बढ्दै गएको बताउँदै उनले 'सरकारप्रति नागरिकको समेत आक्रोश बढिरहेको' उल्लेख गरेका छन् ।
प्रधानमन्त्री केपी शर्मा ओलीले बेलैमा ध्यान नदिए परिस्थिति नियन्त्रण बाहिर जाने उनको टिप्पणी छ ।
पछि पछुताउनुभन्दा बेलैसमा सजग बनेर काम गर्न उनले सरकारको ध्यानाकर्षण समेत गराएका छन् ।
कोभिड-१९नियन्त्रणमा सरकारले राम्रो कामगर्न सकेन।सिमावर्ती क्षेत्रमा आवागमन नियन्त्रण,क्वारेन्टाईन व्यवस्थापन र परिक्षण दायरा बढाउन सरकार कमजोर देखियो।संक्रमणको खतरा बढदोछ।जनतामा आक्रोश बढिरहेछ।प्रम @kpsharmaoli ले ध्यान नदिए परिस्थिति नियन्त्रण बाहिर जानेछ।पछि पछुताएर काम लाग्दैन
— Kamal Thapa (@KTnepal) May 31, 2020
