काठमाडौं । कर्णाली प्रदेश सरकारले सेना परिचालनका लागि केन्द्र सरकारसँग स्वीकृति माग गरेको छ ।
प्रदेश सरकारले रोकोना भाइरस (कोभिड–१९) रोकथामका लागि सेना परिचालनका लागि केन्द्र सरकारसँग स्वीकृति मागेको हो ।
प्रदेशमा कोरोना फैलिन थालिइसकेको र नेपाल प्रहरी तथा सशस्त्रले शान्ति सुरक्षासम्बन्धी अन्य कामसमेत गर्नुपर्ने भएकाले मन्त्रिपरिषदको बैठकले सेना परिचालनका लागि स्वीकृति मागेको सरकारकी प्रवक्ता विमला केसीले बताइन् ।
ठूलो संख्यामा भारतबाट फर्किएका कोरोना प्रभावितहरुको उद्धार र व्यवस्थापनका लागि भन्दै सेना परिचालन गर्न प्रदेश सरकारले अनुमति मागेको हो ।
प्रदेश सरकारले कोरोनाका कारण रोजगारी गुमेपछि औसतमा दैनिक चार हजार कर्णालीवासी भारतबाट फर्किने गरेको बताउँदै आएको छ । कर्णालीमा हालसम्म भारतबाट आएका २३ जनामा कोरोना पुष्टि भएको छ ।
