काठमाडौं । राष्ट्रियसभाले संघीय सांसद र राष्ट्रिय सभा सदस्यको लोगो परिवर्तनसम्बन्धी निर्णय गरेको छ ।
आइतबार बसेको कार्यव्यवस्था परामर्श समितिको बैठकले नेपालको नक्साअनुसार दुवै सदनका सांसदको लोगो परिमार्जन गर्ने निर्णय गरेको संघीय संसद सचिवालयले जनाएको छ ।
हाल दुवै सदनका सांसदको लोगोमा नयाँ नेपालकाे नक्सामा अंकित लिम्पियाधुरा, लिपुलेक, कालापानीलगायत क्षेत्र छुटेको छ ।
राष्ट्रियसभाले संघीय ससदका सदस्यले प्रयोग गर्ने लोगोमा एकरुपमा ल्याउन प्रतिनिधिसभालाई पनि अनुरोध गर्ने निर्णय गरेको छ ।
