काठमाडौं । राष्ट्रिय प्रजातन्त्र पार्टीका अध्यक्ष कमल थापाले लिम्पियाधुरा र लिपुलेकबारे नेपाल सरकारको मौनताप्रति खेद व्यक्त गरेका छन् ।

सामाजिक संजालमार्फत आज शुक्रबार आफ्ना धारणा सार्वजनिक गर्दै थापाले लिम्पियाधुरा र लिपुलेक नेपाली भूमि भएकोले त्यहाँबाट भारतीय सेनाले बाटो बनाएकोबारे भत्सर्ना गरेका हुन् ।

यसबारे नेपाल सरकार उदासिन रहेकोमा खेद व्यक्त गर्दै पूर्वपरराष्ट्रमन्त्रीसमेत रहेका थापाले अबिलम्व आवश्यक कदम चाल्न सरकारसँग माग गरेका छन् ।

लिम्पियाधुरा/लिपुलेक नेपाली भुमी हो।त्यहाॅ रहेका भारतीय सेना फिर्तागर्नुको सट्टा लिपुलेकसम्म बाटोबनाई यातायातको निमित्त खोलिएको तथ्य सार्वजनिक भएको छ।भारत सरकारको यस कार्यको भत्सर्ना गर्दछु।यसवारे नेपाल सरकारको उदासिनता खेदजनक छ।यसवारे अविलम्ब आबश्यक कदम चाल्न सरकारसंग माग गर्दछु

— Kamal Thapa (@KTnepal) May 8, 2020