काठमाडौं । नेपाल कम्युनिस्ट पार्टी (नेकपा) नेता बामदेव गौतम प्रधानमन्त्री केपी शर्मा ओलीलाई भेट्न बालुवाटार पुगेका छन् ।
गत बुधबार बसेको नेकपा सचिवालय बैठकमा प्रधानमन्त्री तथा पार्टी अध्यक्ष केपी शर्मा ओलीले नेता गौतमलाई (देशमा कोरोनाको प्रभाव कम भएपछि) प्रधानमन्त्रीमा प्रस्ताव गरेका थिए ।
यसबारेमा थप छलफल र निर्णय गर्न आज (शनिबार ) अपरान्ह चार बजेपछि नेकपा सचिवालय बैठक बस्दैछ ।
सचिवालय बैठकअघि नेता गौतम बालुवाटार पुग्नुलाई अर्थपूर्ण रुपमा हेरिएको छ ।
यसअघि नेता गौतमले आफूनिकटका नेता तथा कानुनविदहरुसँग संविधान संशोधनलगायतका विषयमा परामर्श गरेका थिए ।
